XX. mendeko Euskararen Corpus estatistikoa
Testuingurua
7.1.- INDAR PARALELOAK.Beren norabideak paraleloak dituzten indarrak, elkarrekiko indar paraleloak dira.
Bi motatakoak izan daitezke: - Norantza bereko indar paraleloak - Aurkako norantza duten indar paraleloak.
7.1.1.- NORANTZA BEREKO INDAR PARALELOAK.Hauetan: - Erresultantearen balioa edo modulua, osagaien modulu edo balioen baturak ematen duena da.
- Erresultanteak osagaiekiko norabide paraleloa eta norantza berbera ditu.
- Erresultantearen aplikazio-puntua, indarrik handienaren alderago dago ondorengo erlazio matematikoa betetzen dela (1. irudia)
Aplikazio-puntu hori grafikoki aurkitzeko, F1-aren aurkako norantzan F2-aren balioa ipintzen da (P puntua) eta F2-arengan F1-arena (R puntua).
Bi puntu horiek elkartzean, 0 puntuan ebakitzen da AB lerroa eta horixe da erresultantearen aplikazio-puntua.
7.2.- AURKAKO NORANTZA DUTEN INDAR PARALELOAK.- Erresultantearen balioa edo modulua, osagaien modulu edo balioen kendurak ematen duena da.
- Erresultanteak osagaiekiko norabide paraleloa du eta norantza berriz, osagairik handienarena.
- Erresultantearen aplikazio-puntua, indarrik handienaren alderago dago, ondorengo erlazio matematikoa betetzen dela (2. irudia).
Aplikazio-puntu hori grafikoki aurkitzeko, F1aren (handienaren) aurkako norantzan F2aren balioa jartzen da (P puntua) eta F2 aren norantzan F1 arena (R puntua).
Bi puntu horiek elkartu eta luzapena marratzean, 0 puntuan ebakitzen du AB lerroaren luzapena eta horixe da hain zuzen ere, erresultantearen aplikazio-puntua.
7.1.3.- AURKAKO NORANTZA ETA MODULU BERDINEKO INDAR PARALELOAK: INDAR-PAREA EDO INDAR-BIKOTEA.Hauetan: - Erresultantearen moduluak 0 balio du,
- Bestalde, grafikoki erresultantearen aplikazio-puntua aurkitzean, lerro paraleloak ematen ditu, hots, infinituan elkartzen direnak.
(3. irudia).
1. Irudia: Norantza bereko indar paraleloak.
2. Irudia: Aurkako norantzadun indar paraleloak.
3. Irudia: Indar-parea edo Indar-bikotea.